“Konstitusiya” Araşdırmalar Fondu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Yerli icra hakmiyyəti orqanları yanında  yaradılmış  İctimai Şuralara təlim dəstəyi” layihəsinin icrasına başlayıb.

Layihənin əsas  məqsədi gənclərin, ictimai fəalların, QHT nümayəndələrinin ictimai iştirakçılıq və ictimai nəzarət fəaliyyətləri sahəsində biliklərini inkişaf etdirmək, praktik bacarıqlarının artırmaqdır.  Layihənin icra müddəti 3 aydır. 6 region gəncləri və ictimai fəallarına  “İctimai iştirakçılıq haqqında qanunvericlik”, “İctimai iştirakçılıq formaları və onların praktikada tətbiqi”, “İctimai Şuranın ictimai iştirkaçılığın və ictimai nəzarətin həyata keçirilməsində hüquqi imkanalrı”, “İctimai Şuranın institusional inkişafı məsələləri” mövzusunda  təlimin keçirilməsi nəzərdə tutulur. Təlimlər 2 peşəkar təlimçi tərəfindən keçiriləcək. İctimai Şuralaırn yerli səviyyəli qərarların qəbulunda rolunun artırılması, İctimai Şuraların fəaliyyətinin səmərliliyinin artırılması və potensialının gücləndirilməsi və yerli vətəndaş cəmiyyətinin ictimai iştirakçılıq fəaliyyətində rolunun artırılması layihənin hədəfləri sırasındadır.

Bakı, Sumqayıt, Lənkəran və digər böyük şəhər bölgənin aqrar/ekoturizm məkanları ilə tanış oldular.

Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmalar Fondu tərəfindən birgə həyata keçirilən “AgriVision” layihəsi çərçivəsində Lənkəran-Astara iqtisadi rayonu ərazisində yerləşən və layihəyə cəlb olunan aqrar/eko-turizm məntəqələrində “Açıq təsərrüfat günləri” proqramı həyata keçirildi. Proqram çərçivəsində 22-24 iyul tarixlərində Bakı və digər şəhərlərdən olan 502 nəfər “AgriVision” layihəsinə cəlb olunan turizm müəssisələrinə səfər edib aqrar/eko-turizm konsepsiyası ilə yerində tanış oldular. Proqramın əsas məqsədi onları aqrar/eko turizm xidmətləri və cənub bölgəsinin aqrar/eko turizm potensialı barədə məlumatlandırmaqdı. Bundan əlavə “Açıq təsərrüfat günləri” proqramı layihə çərçivəsində seçilmiş təsərrüfatlara yeni və ya genişləndirilmiş aqroturizm xidmətlərini sınaqdan keçirmək imkanı da vermişdir.

Proqram səfərləri zamanı iştirakçılar seçilmiş turizm məkanlarında təklif olunan aqrar/ekoturizm xidmətlərini müşahidə etmək, təsərrüfat daxili gəzinti ilə kənd təsərrüfatı və kənd həyatı ilə tanış olmaq şansı əldə etdilər. Həmçinin, onlar aqrar/ekoturizm xidmətlərinin digər turizm imkanları ilə necə birləşə biləcəyini, bu kimi turizm növlərinin oxşar və fərqli cəhətləri ilə yaxından tanış oldular.

            Bütün bu səfərlər ərzində hər bir aqrar/eko-turizm məntəqəsində təsərrüfat sahibləri tərəfindən keçirilən təqdimatlar iştirakçılar tərəfindən diqqətlə dinlənildi və onları maraqlandıran suallar cavablandırıldı.

Qeyd edək ki, 3 gün dava edən və 500 nəfəri əhatə edən proqramda iştirak etmək üçün 837 nəfər müraciət etmişdir. Onlardan 208-i ya telefona cavab verməyib yada iştirakından imtina edib. Digır 629 nəfər proqramda iştirak üçün dəvət olunub. Dəvət olunan 629 nəfərdən 502-si iştirak edərək layihədən faydalanıblar.

06 iyun tarixində Holiday İnn mehmanxansında Azərbaycan Respublikasının Qeyri Hökumət Təşkilatlarına Dövlət Dəstəyi Agentliyinin maliyyə yardımı ilə “Konstitusiya” Araşdırmalar Fondu və “Prioritet” Sosial İqtisadi Araşdırmalar Mərkəzi İB tərəfindən həyata keçirilən layihələr çərçivəsində “Azərbaycanda ictimai iştirakçılıq praktikası və mövcud qanunvericliyin təkmilləşdirilməsi” mövzusunda dəyirmi masa müzakirələri keçirilib.

Newscenter.az xəbər verir ki, tədbirdə dövlət orqanları, publik hüquqi şəxslər yanında yaradılmış İctimai Şura sədrləri, üzvləri daxil olmaqla əllidən çox QHT təmsilçisi, Milli Məclis, Nazirlər Kabineti, Ombudsman, Qeyri-Hökumət Təşkilatlarına Dövlət Dəstəyi Agentliyinin Müşahidə Şurası üzvləri, Ədliyyə Nazirliyi, Baş Prokurorluğun, Korrupsiyaya Qarşı Mübarizə üzrə Komissiyanın nümayəndələri iştirak ediblər.

“Konstitusiya” Araşdırmalar Fondunun prezidenti, Azərbaycan Açıq Hökumət Platformasının koordinatoru Əliməmməd Nuriyev “İctimai iştirakçılıq haqqında qanunvericiliyə əlavə və dəyişikliklər” mövzusunda təqdimatla çıxış edib. Ə.Nuriyev ictimai iştirakçılıq haqqında qanunvericiliyə təklif olunan əlavə və dəyişikliklərin mövcud təcrübəni, vətəndaş cəmiyyəti institutlarının rəyini, onların rastlaşdıqları problemlərin həlli ilə bağlı baxış və ideyaları nəzərə aldığını bildirib. Təkliflərin İctimai Şuraların daha səmərli işləməsi, müstəqilliyinin əsaslarının möhkəmləndirilməsi, Şuralara seçkilərdə müşahidə olunan nöqsanların aradan qaldırılması, ictimai nəzarət mexanizmlərinin təkmilləşdirilməsi məsələlərini əhatə etdiyini diqqətə çatdıran Ə.Nuriyev bu təkliflərin müəllifinin məhz bütövlükdə vətəndaş cəmiyyəti olduğunu xüsusi vurğulayıb.

Ə.Nuriyev qeyd edib ki, müşahidə olunan nöqsanlarla yanaşı vətəndaş cəmiyyəti ictimai iştirakçılıq və ictimai nəzarətin həyata keçirilməsində fəal olmağa çalışır, bu sahədə mövcud imkanlardan daha dolğun və səmərəli istifadə edilməsi üçün əlverişli hüquqi mühit yaradılması əsas şərtlərdən biridir, eyni zamanda bu sahədə fəaliyyətin əlaqələndirilməsinə ehtiyac var və müvafiq koordinasiya mexanizmi yaradılması nəzərdən keçirilməlidir. Dövlət orqanları daha məsuliyyətlə yanaşmalıdırlar, QHT-lər də öz növbəsində peşəkarlıq, maraqlar toqquşmasının yol verilməzliyi prinsiplərini rəhbər tutmalıdırlar. Qanunvericliyə təklif olunan dəyişikliklər hər iki istiqamətdə qanunvericiliyin təkmilləşdirilməsi ilə çətinlikləri dəf etməyi hədəfləyib.
Ə.Nuriyev dövlət başçısının ictimai nəzarətin vacibliyi barədə fikrilərini, çağırışlarını xatırladaraq, mövcud vəziyyətin qarşıya qoyulan vəzifələrin həllinə imkan vermədiyini, bu sahədə çətinliklərin aradan qaldırılması üçün əlavə səylərə ehtiyac olduğunu qeyd edib.

“Prioritet” Sosial İqtisadi Araşdırmalar Mərkəzi İB sədri Zaur İbarhimov “İctimai nəzarət və ictimai iştirakçılıq sahəsində vəziyyət: naliyyətlər və çətinliklər” mövzusunda təqdimatla çıxış edib. İctimai nəzarət və ictimai iştirakçılıq sahəsində vəziyyətin qiymətləndirilməsi məqsədilə aparılmış təqdiqatın nəticələrini açıqlayıb.

Statistik təhlil göstərib ki, İctimai Şuralarda qadınların və gənclərin təmsilçiliyi aşağı səviyyədədir. Qadınların səlahiyyətləndirilməsi, regionlarda İctimai Şuraların yaradılması prosesində qanunverciliyin tələblərinə əməl olunmasında çətinliklər müşahidə olunur. QHT-lər arasında keçirilən sorğuda QHT-lərin əksəriyyəti qeyd edib ki, dövlət orqanları ictimai iştirakçılıq və nəzarət məsələlərinə kifayət qədər diqqət göstərmirlər, həmçinin ictimai iştirakçılığın digər formalarından istifadə olunması aşağı səviyyədədir.

Sorğunun nəticələrinə əsasən QHT-lər bunu bilik və bacarıqların, maliyyə dayanıqlığının yetərli səviyyədə olmaması, dövlət orqanlarının formal yanaşması ilə izah ediblər. Sorğunun nəticələri QHT-lərin ictimai iştirakçılıq və nəzarətin həyata keçirilməsi ilə bağlı vəziyyəti əsasən qeyri-qənaətbəxş qiymətləndirdiyini göstərib. Həmçinin, QHT-lər vətəndaşların ictimai iştirakçılıq və nəzarətlə bağlı məlumatlılıq səviyyəsinin aşağı olmasını qeyd ediblər. QHT-lər müsbət məqamlar kimi dövlət orqanlarının keçirilən tədbirlərdə iştirakını, əməkdaşlığını, informasiya sorğularının cavablandırılması vəziyyətinin yaxşılaşmasını qeyd ediblər.

Bir neçə istiqamətdə təkliflər irəli sürülüb, QHT-lər dövlət orqanları və QHT-lərə bu sahədə təlim dəstəyinin verilməsini, ali və yuxarı hakmiyyət orqanlarının ictimai iştirakçılıqla bağlı müvafiq təlimatlar verməsini, dövlət orqanları, publik hüquqi şəxslər və dövlət şirkətlərinin ictimai iştirakçılıqla bağlı hesabatlar verməsini İctimai Şuraların institusional inkişafı üçün tədbirlər görülməsini təklif ediblər.
Müzakirələr zamanı dövlət orqanları QHT-lər tərəfindən qaldırılan problemləri, təkliflərləri dinləyiblər, nöqsanlara münasibət bildiriblər və sualları cavablandırıblar.

Milli Məclisin dövlət quruculuğu, inzibati və hərbi qanunvericilik şöbəsinin İnsan hüquqları üzrə qanunvericilik sektorunun müdiri Sarvan Sadıqov, Ombudsman Aparatı rəhbərinin müavini Rəşid Rumzadə təkliflərə münasibət bildiriblər, qaldırılan məsələlərlə bağlı öz fikirlərini bölüşüblər.
Qeyd edək ki, Qeyri Hökumət Təşkilatlarına Dövlət Dəstəyi Agentliyinin maliyyə yardımı ilə “Konstitusiya” Araşdırmalar Fondu “Azərbaycanda ictimai iştirakçılıq praktikasının təkmilləşdirilməsi”, “Prioritet” Sosial İqtisadi Araşdırmalar Mərkəzi İB isə “İctimai nəzarət və ictimai iştirakçılıq sahəsində vəziyyətin monitoriniqi və qiymətləndirilməsi” layihəsini həyata keçirirlər. Hər iki layihə çərçivəsində hazırlanmış təkliflər və tədqiqat hesabatı müvafiq dövlət qurumlarına təqdim ediləcək.

Turizm şirkətləri cənub bölgəsinin aqroturizm imkanları ilə tanış oldular.

Press-reliz, May 2022

Turizm şirkətləri nümayəndələri bölgənin ekoturizm və aqrar turizm məkanları, onların təqdim etdikləri xidmətlərlə tanış olublar.

Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmalar Fondu tərəfindən birgə həyata keçirilən “AgriVision” layihəsi çərçivəsində Lənkəran, Masallı, Lerik və Astara rayonları ərazisində yerləşən və layihəyə cəlb olunan aqrar/eko-turizm məntəqələrinə turizm şirkəti nümayəndələri üçün işgüzar səfərlər təşkil edildi. Səfərin əsas məqsədi iştirakçılara seçilmiş turizm məkanlarında təklif olunan aqrar/ekoturizm xidmətlərini müşahidə etmək, xidmət təminatçıları ilə tanış olmaq, yeni və təkmilləşdirilmiş aqrar/ekoturizm xidmətlərinin cənub bölgəsinin təklif etdiyi digər turizm imkanları ilə necə birləşə biləcəyini daha yaxşı göstərmək idi.

20-22 May 2022-ci il tarixlərində baş tutan səfərdə Bakıda yerləşən 15 müxtəlif turizm şirkətini təmsil edən 19 nümayəndə iştirak etmişdir. Səfərin birinci günü Astara rayonunda yerləşən  “Balıqçı Abi” və “Yaşıl Göl” istirahət müəssisəsi, Astara rayonunun Sım kəndi və Lerik rayonunda “Bal süfrəsi” və “Səfalı Göl” turizm məntəqələri tur şirkətlərinin nümayəndələrinə təqdim olunmuşdur.  

Səfərin ikinci günü iştirakçılar Lənkəran rayonunda yerləşən “Citrus Valley”, Masallı rayonunun Ərkivan qəsəbəsində yerləşən “Obal” və günün sonunda isə Masallı rayonu Boradigah kəndində yerləşən “Misgərlik” kimi turizm məntəqələrini ziyarət etdilər.  Hər bir aqro/eko-turizm məkanında keçirilən təqdimatlar iştirakçılar tərəfində qeydə alınmış və qiymətləndirmələr həyata keçirilmişdir. Qeyd edək ki, təklif olunan turizm xidmətlərinin gələcək tur paketlərə daxil edilməsi üçün şirkət rəhbərləri ilə danışıqlar aparılacağı bir çox turizm şirkətləri nümayəndələri tərəfindən qeyd olunmuşdur.

 “Konstitusiya” Araşdırmalar Fondu Avrasiya Əməkdaşlıq Fondu dəstəyi ilə “AqroViziya” layihəsini həyata keçirir.  Fond Layihə çərçivəsində Asan radioda verlişlərin çəkilişi xidmətinin göstərilməsi üzrə təkliflərin qəbulunu elan edir.

Xidmətləri aşağıdakıalardan ibarət olacaqdır:

1. 2022-ci ilin iyun, iyul aylarında ASAN radioda 2 verlişin çəkilib və yayımlanması xidməti.

Tələblər:

• Ən azı 5 il iş təcrübəsi;
• Azərbaycan Respublikası Milli mühasibat uçotuna uyğun olaraq xidmətin görülməsinə dair müqavilənin və qiymətin razılaşdırılmasına dair protokolun imzalanması;
• Xidmətin təhvil verilməsinə dair təhvil təslim aktı;
• Elektron qaimənin göndərilməsi.

Müqavilə 2 aylıq bağlanılacaq.

Hüquqi və fiziki şəxslər öz təkliflərini  20 may 2022-ci il tarixə qədər Bakı şəhəri M.Əfəndiyev 7/24 AZ 1001 ünvanına tədim edə bilərlər. Kotirovka sorğusunun nəticələrinə dair  28 may 2022-ci il  tarixə qədər təklif göndərən hüquqi və fiziki şəxslərə cavab veriləcək. Qiymət təklifində ünvan və telefon nömrələri qeyd olunmalıdır.

Əlavə məlumat üçün layihə mühasibi Kubra Məmmədovaya müraciət edə bilərsiniz.

Əlaqə tel: 012 492 57 26 E-mail: kafondu@yandex.ru

“Konstitusiya” Araşdırmalar Fondu Avrasiya Əməkdaşlıq Fondu dəstəyi ilə “AqroViziya” layihəsini həyata keçirir.  Fond Layihə çərçivəsində  aşağıda qeyd olunan xidmətlərin göstərilməsi üzrə təkliflərin qəbulunu elan edir.

1. Şagirdlər üçün təşkil olunan turlar zamanı yemək süfrələrinin təşkil olunması.

Xidmətləri aşağıdakıalardan ibarət olacaqdır:

1. Şagirdlər üçün təşkil olunan turlar zamanı 16,17,18,19,20,21,22,23,24,25 iyun tarixlərində ümümilikdə 334 nəfər iştirakçının nahar yemək süfrəsinin təşkili.

Tələblər:

• Ən azı 5 il iş təcrübəsi;
• Azərbaycan Respublikası Milli mühasibat uçotuna uyğun olaraq xidmətin görülməsinə dair müqavilənin və qiymətin razılaşdırılmasına dair protokolun imzalanması;
• Xidmətin təhvil verilməsinə dair təhvil təslim aktı;
• Elektron qaimənin göndərilməsi.

Müqavilə bir dəfəlik bağlanılacaq.

Hüquqi və fiziki şəxslər öz təkliflərini  20 may 2022-ci il tarixə qədər Bakı şəhəri M.Əfəndiyev 7\24 AZ 1001 ünvanına tədim edə bilərlər. Kotirovka sorğusunun nəticələrinə dair  05 iyun 2022-ci il  tarixə qədər təklif göndərən hüquqi və fiziki şəxslərə cavab veriləcək. Qiymət təklifində ünvan və telefon nömrələri qeyd olunmalıdır.

Əlavə məlumat üçün layihə mühasibi Kubra Məmmədovaya müraciət edə bilərsiniz.

Əlaqə tel: 012 492 57 26

E-mail: kafondu@yandex.ru

“Konstitusiya” Araşdırmalar Fondu Avrasiya Əməkdaşlıq Fondu dəstəyi ilə “AqroViziya” layihəsini həyata keçirir.  Fond Layihə çərçivəsində  aşağıda qeyd olunan xidmətlərin göstərilməsi üzrə təkliflərin qəbulunu elan edir.

1. Çap işləri.

Xidmətləri aşağıdakıalardan ibarət olacaqdır:

1. A6 formatında 440 ədəd loqolu 40 vərəq bloknotun çap edilməsi.

Tələblər:

• Ən azı 5 il iş təcrübəsi;
• Azərbaycan Respublikası Milli mühasibat uçotuna uyğun olaraq xidmətin görülməsinə dair müqavilənin və qiymətin razılaşdırılmasına dair protokolun imzalanması;
• Xidmətin təhvil verilməsinə dair təhvil təslim aktı;
• Elektron qaimənin göndərilməsi.

Hüquqi və fiziki şəxslər öz təkliflərini  15 may 2022-ci il tarixə qədər Bakı şəhəri M.Əfəndiyev 7\24 AZ 1001 ünvanına tədim edə bilərlər. Kotirovka sorğusunun nəticələrinə dair  28 may 2022-ci il  tarixə qədər təklif göndərən hüquqi və fiziki şəxslərə cavab veriləcək. Qiymət təklifində ünvan və telefon nömrələri qeyd olunmalıdır.

Əlavə məlumat üçün layihə mühasibi Kubra Məmmədovaya müraciət edə bilərsiniz.

Əlaqə tel: 012 492 57 26 E-mail: kafondu@yandex.ru

“Konstitusiya” Araşdırmalar Fondu Avrasiya Əməkdaşlıq Fondu dəstəyi ilə “AqroViziya” layihəsini həyata keçirir.  Fond Layihə çərçivəsində  aşağıda qeyd olunan xidmətlərin göstərilməsi üzrə təkliflərin qəbulunu elan edir.

1. Onlayn media reklamı xidmətinin göstərilməsi,

Xidmətləri aşağıdakıalardan ibarət olacaqdır:

1. 2022-ci ilin aprel ayından avqust ayınadək onlayn reklamlarının təşkil edilməsi.
2. 2022-ci ilin aprel ayından avqust ayınadək saytlarda layihə haqqında informası yayımlanmasının təşkil edilməsi.

Tələblər:

• Dövlət qeydiyyatına alınmış olsun;
• Ən azı 5 il iş təcrübəsi;
• Azərbaycan Respublikası Milli mühasibat uçotuna uyğun olaraq xidmətin görülməsinə dair müqavilənin və qiymətin razılaşdırılmasına dair protokolun imzalanması;
• Xidmətin təhvil verilməsinə dair təhvil təslim aktı;
• Elektron qaimənin göndərilməsi.

Müqavilə 4 ay müddətinə bağlanılacaq.

Hüquqi və fiziki şəxslər öz təkliflərini  25 mart 2022-ci il tarixə qədər Bakı şəhəri M.Əfəndiyev 7\24 AZ 1001 ünvanına tədim edə bilərlər. Kotirovka sorğusunun nəticələrinə dair  08 aprel 2022-ci il  tarixə qədər təklif göndərən hüquqi və fiziki şəxslərə cavab veriləcək. Qiymət təklifində ünvan və telefon nömrələri qeyd olunmalıdır.

Əlavə məlumat üçün layihə mühasibi Kubra Məmmədovaya müraciət edə bilərsiniz.

Əlaqə tel: 012 492 57 26

E-mail: kafondu@yandex.ru

“Konstitusiya” Araşdırmalar Fondu təkliflər paketi təqdim edəcək.

“Konstitusiya” Araşdırmalar Fondu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Azərbaycanda ictimai iştirakçılıq praktikasının təkmilləşdirilməsi” layihəsinin icrasına başlayıb.

Layihənin əsas məqsədi Azərbaycanda ictimai iştirakçılığı tənzimləyən qanunvericiliyin və onun praktikada tətbiqinin təkmilləşdirilməsidir. Layihənin icra müddəti 4 aydır. Bu müddət ərzində ictimai iştirakçılıqla bağlı milli və beynəlxalq qanunvericiliyin analizi aparılaraq ictimai iştirakçılığı tənzimləyən milli qanunvericiliyin təkmilləşdirilməsi üçün təkliflər paketi hazırlanacaq. Təkliflər paketi aparıcı QHT və dövlət orqanlarının nümayəndələrinin iştirakı ilə müzakirə edilərək müvafiq dövlət orqanları və parlamentə təqdim olunacaq.

Layihə fəaliyyətləri ictimai iştirakçılıqla əlaqədar mövcud probemlərin həllinə qanunvericilyin təkmilləşdirilməsiylə yardım göstərilməsini nəzərdə tutur. İctimai iştirakçılığın formalarından istifadə olunmasında yaranmış çətinıiklərin həlli üçün yeni mexanizmlər yaradılması da layihənin hədəfləri sırasındadır.

Avrasiya Əməkdaşlıq və “Konstitusiya” Araşdırmalar fondları işçi axtarır.

Layihəni Avropa İttifaqının maliyyə dəstəyi ilə Avrasiya Əməkdaşlıq Fondu, “Konstitusiya” Araşdırmalar Fondu ilə birlikdə Lənkəran iqtisadi rayonunda 24 aylıq “AgriVision” layihəsini həyata keçirir.

Sifarişçi: Avrasiya Əməkdaşlıq Fondu (AƏF)

Tapşırığın təsviri: Aqrar/ekoturizm üzrə bələdçi kitabının hazırlanması

Tapşırığın müddəti: 3 ay

Müqavilənin növü: Xidmət müqaviləsi

Müraciət üçün qəbul olunan son tarix: 16 Yanvar 2022

TƏSVİR / XÜLASƏ:

Avropa İttifaqının maliyyə dəstəyi ilə Avrasiya Əməkdaşlıq Fondu, “Konstitusiya” Araşdırmalar Fondu ilə birlikdə Lənkəran iqtisadi rayonunda 24 aylıq “AgriVision” layihəsini həyata keçirir. Layihənin məqsədi Azərbaycanın cənub bölgəsindəki kənd ailələrinə gəlirlərini artırmağa və Azərbaycanda şəhər ilə kənd arasında əlaqəni gücləndirməyə kömək edəcək davamlı, təkrarlana bilən aqrar-turizm / ekoturizmin inkişaf mexanizmi yaratmaq və sınaqdan keçirməkdir.

Layihənin əsas hədəflərindən biri də dövlət və özəl aqrar/eko-turizm üzrə maraqlı tərəflərin və biznes məsləhət xidməti təminatçılarının potensialını gücləndirməkdir. Bu məqsədlə Avrasiya Əməkdaşlıq Fondu Azərbaycanda mövcud və potensial aqrar / ekoturizm xidmət təminatçıları üçün bələdçi kitabı hazırlamaq məqsədilə biznes və turizmin inkişafı üzrə yerli mütəxəssislər qrupu formalaşdırır.

MƏQSƏD, İŞİN MƏZMUNU VƏ BACARIQLAR:

Məqsəd:

Bələdçi kitabının əsasını bölgədəki digər ölkələrdə oxşar layihələr zamanı hazırlanan və yerli şəraitə uyğunlaşdırılmış, konsepsiyanı necə inkişaf etdirmək, maliyyələşdirmə əldə etmək və aqrar / ekoturizm sektorunda biznesin səmərəli idarə olunmasına dair praktiki təlimatları özündə əks etdirən materiallar təşkil edəcək.

Bu kitabça Azərbaycanın digər regionlarında layihə fəaliyyətlərini təkrarlamaq və ya genişləndirmək üçün istifadə oluna bilən, layihə zamanı qazanılmış biliklərin yayım vəsaiti kimi xidmət edəcəkdir.

Bələdçi kitabına bu layihənin icrası zamanı hazırlanmış yeni materiallar da daxil ediləcək:

– Turizm Məkanları (TM) konsorsiumlarının yaradılması və idarə olunması üçün tövsiyələr;

– TM inkişaf strategiyalarının formatı və nümunələri;

– Aqrar / ekoturizm xidmətləri göstərənlər üçün biznes planlarının formatı və nümunələri;

– Azərbaycanda aqrar / ekoturizm xidmətləri göstərənlərin maliyyələşmə mənbələri;

– Azərbaycanda aqrar / ekoturizm xidmətlərinin təşviqi üçün platformalar və strategiyalar;

– Azərbaycanda aqrar / ekoturizm biznesinin inkişafı üzrə təlimat verən təşkilatların və fərdi məsləhətçilərin əlaqə məlumatları.

İşin məzmunu :

• Bələdçi kitabını hazırlayan mütəxəssis aqrar / eko-turizm məkanları, bu növ turizmin ölkəmizdə inkişafı və real vəziyyət barədə məlumatlılığını artırmaq üçün araşdırmalar aparacaq və mövcud ədəbiyyatı nəzərdən keçirəcək;
• Eyni zamanda, layihə komandasının təmin etdiyi materiallarla tanış olub, həmin məlumatları bələdçi kitabının məzmununa daxil edəcək və lazım olduğu təqdirdə layihə komandası və ya onların əməkdaşlıq etdiyi tərəfdaşların rəylərinə uyğun olaraq həmin məzmunda müəyyən tənzimləmələr edəcək;
• Sifarişçi tərəfindən müəyyən olunmuş vaxt ərzində “Aqrar / ekoturizm üzrə bələdçi kitabı”nı hazırlayacaq.

 Bacarıqlar:

 Peşəkarlıq:

• Ən yüksək effektivlik, səriştəlilik, etik və dürüstlük standartlarını qoruyub saxlamaq;
• Tapşırıqla əlaqəli peşəkar intizamın və ya texniki ixtisasın əsas konsepsiya və prinsiplərini başa düşmək və tətbiq etmək;
• Peşəkar bacarıq nümayiş etdirmək, vicdanla yanaşma və öhdəliklərə əməl etmək, son tarixləri nəzarət etmək və nəticələr əldə etmək;
• Çətin problemlərlə və ya çətinliklərlə qarşılaşdıqda əzmkarlıq göstərmək.

Biliyin Paylaşılması və Öyrənmə:

• Bilik və təcrübə mübadiləsini aparmaq;
• Öz-özünə öyrənmə və digər öyrənmə vasitələri ilə davamlı fərdi öyrənmə istiqamətində fəal işləmək;
• Dəyişməyə açıq olduğunu və çətinlikləri idarə etmək bacarığını nümayiş etdirmək.