Hazırkı Hesabat “Konstitusiya” Araşdırmaları Fondu tərəfindən Birləşmiş Millətlər Təşkilatının Inkişaf proqramının maliyələşdirdiyi “Qadınların İctimai iştirakçılıqda rolunun gücləndirilməsi” təşəbbüsü çərçivəsində hazırlanmışdır. Hesabat Azərbaycanda qadınların iştirakçılığı sahəsində vəziyyətin qiymətləndirilməsi, qabaqcıl beynəlxalq təcrübənin icmalına həsr edilmiş və təhlil nəticəsində təklifləri özündə ehtiva edir. Araşdırma nəticəsində Azərbaycanda qadınların iştirakçılığının genişləndirilməsini məhdudlaşdıran, əngəl olan məqamlar müəyyən edilmişdir. Həmin mənfi halların aradan qaldırılması məqsədilə Finlandiya, Avstraliya, İsveçrə, Ukrayna, Gürcüstan, İspaniya, Fransa, Belçikanın yaxşı təcrübəsinə istinad edilmişdir.
Hesabat giriş, metodologiya, üç hissədən ibarətdir. Birinci hissə qadın iştirakçılığının səviyyəsinə bilavasitə və ya dolayı yolla təsir edən Azərbaycan Respublikasının müvafiq qanunvericilik bazasının təhlilinə həsr edilmişdir. İkinci hissədə praktikada qarşılaşılan problemlər nəzərdən keçirilmişdir. Praktika ümumi məlumatdan, siyasətdə qadınların iştirakçılığından və məhkəmə sistemi və hüquq mühafizə orqanlarında qadınların iştirakçılığından ibarətdir.
Üçüncü hissə isə yekun müşahidələrə və tövsiyələrə həsr olunmuşdur.
2022 və 2024-cü il üzrə statistik göstəricilər
